Pandemia ka bërë që shumë aktivitete kulturore në Kosovë të ndërpriten dhe të pezullohen. Por, dy festivalet e filmave në Prizren, ai i filmit dokumentar “Doku-Fest” dhe festivali i filmit të animuar “Ani-Bar”, sivjet do t’i qëndrojnë publikut të tyre afër nëpërmes platformave online.
Drejtuesit e Doku-Fest shprehen se kalimi i një festivali në sferën virtuale ishte një eksperiment i çuditshëm dhe një sfidë më vete.
Diaspora është një kategori me filma me metrazh të shkurtër të bërë nga producentë shqiptarë nga e gjithë bota, ku shumica e tyre do të jenë premierë në këtë edicion të 19-të të “DokuFest”.
Në Gjermani dhe Zvicër platforma do të jetë e aksesueshme nga data 7-15 gusht.
“Festivali në fakt është një risi sepse do të mbahet online, i gjithë programi është në internet, kemi krijuar një platformë ku mund të shikohen filat të cilët janë vendos të gjithë.
Platforma është aktive nga ku mund të rezervohen biletat mund të rezervohen filmat shfaqjet dhe shumica e filmave kanë orare të caktuara se kur mund të shihen, pak a shumë një imitim i orarit të festivalit”, shprehet një nga drejtuesit.
Në këtë edicion në platformën online do të shikohen 150 filma të ndarë në 8 kategori, aq sa ishin edhe në vitet e kaluara.
