Teatri “Dodona” do të ketë webfaqen e re, ku qytetarët mund të informohen rreth aktiviteteve të tyre, falë një donacioni që këngëtarja e njohur shqiptare Dua Lipa ka bërë nëpërmjet fondacionit “Sunny Hill”
Ky donacion sipas lajmi.net arrin vlerën 5000 euro.
“Jemi shumë të lumtur që po e lancojmë uebfaqen e re të Teatri të Qytetit të Prishtinës “Dodona” dhe ju ftojmë ta vizitoni atë deri në takimin e ardhshëm në skenën tonë.
Kjo uebfaqe, sistemi elektronik i biletave, të cilin e kemi lancuar në shtatorin e vitit të kaluar si dhe dizajnet e bukura me njoftime për shfaqjet tona, që i kemi postuar përgjatë tërë vitit të kaluar, janë pjesë e donacionit në vlerë prej 5,000 EUR nga Fondacioni “Sunny Hill”.
Falenderojmë përzemërsisht Fondacionin Sunny Hill dhe patronen e këtij festivali, të mrekullueshmen Dua Lipa, për këto dhurata të bukura”, thuhet ndër të tjera në njoftimin e teatrit Dodona.
Pak ditë më parë, Dua Lipa bëri me dije se së shpejti do të vijë me një bashkëpunim me divën e muzikës, Madonën. Artistja shqiptare zbuloi se ky duet me Madonnën dhe Missy Elliot pritet të publikohet me datë 14 Gusht, ndërkohë që bashkëpunimi me “The Blessed” Madonna do vijë me 21 Gusht.