Gazeta e mirënjohur greke, Documentonews.gr i referohet me ironi vendimit të qeverisë greke për të vendosur ekip epidemiologjik në Kakavijë, me kontrolle totale, ndërsa pika e Kapshticës të jetë e abandonuar dhe kalimi të vijojë pa asnjë kampion testimi, sidomos kur shifra e të infektuarve të ardhur nga Shqipëria është e njëjtë në të dy zonat.
Gazeta shton se në datat 1-5 gusht kanë hyrë nga Kapshtica në Greqi 3.853 udhëtarë ndërsa kanë udhëtuar drejt Shqipërisë 5770 persona.
Duke iu referuar ankesave të punonjësve të kufirit për masa ekstra mbrojtëse e me një dozë të lartë ironie, gazeta propozon udhëtarëve nga Shqipëria të preferojnë këtë pikë kalimi, pasi edhe natën funksionon normalisht, nuk ka ekipe epidemiologjike e testime, si dhe nuk përfshihen të paktën akoma në rregulloren e izolimit 7-ditor nga 16 gushti./BW/
Shqipëri, COVID-19 – Statistika (6 Gusht 2020)
Testime totale 44295
Raste pozitive 6016
Raste të shëruara 3155
Raste Aktive 2673
Humbje jete 188 (Qarku Tiranë 90, Shkodër 31, Durrës 28, Fier 10, Elbasan 7, Lezhë 5, Kukës 5, Korçë 5, Vlorë 4, Dibër 2, Berat 1)
Shpërndarja gjeografike e rasteve aktive sipas qarqeve:
Tiranë 1477
Durrës 344
Shkodër 232
Fier 99
Vlorë 97
Kukës 90
Lezhë 86
Korçë 85
Elbasan 53
Berat 44
Dibër 34
Gjirokastër 32