Pandemia e shkaktuar nga virusi Covid-19 ka goditur rëndë ekonominë shqiptare, duke ngadalësuar aktivitetin ekonomik në të gjithë sektorët.

Sipas Guvernatorit të Bankës së Shqipërisë, Gent Sejko, pasiguritë për të ardhmen pritet të shoqërohen me një tkurrje të ndjeshme të konsumit dhe investimeve private në vend.

Rikuperimi i ekonomisë vlerëson Sejko do të jetë i ngadaltë dhe rritja pritet të kapë sërish ritmin gjatë vitit të ardhshëm.

“Aktiviteti ekonomik në vend vlerësohet të ketë shënuar pikun e ngadalësimit në tre mujorin e dytë si dhe do të vijojë të mbetet negative gjatë dy tre mujorëve në vijim dhe do ti rikthehet rritjes në vitin 2021.

Ky skenar është i kushtëzuar nga ecuria e mëtejshme e pandemisë, nga shpejtësia e përmirësimit të aktivitetit ekonomik nga partnerët tanë tregtar, nga ndikimi i pandemisë në sjelljen e ardhshme të biznesit dhe të konsumatorit si dhe nga efektiviteti në kohë i masave fiskale, monetare dhe financiare të marra deri më tani”, tha guvrnatori Gent Sejko në deklaratën për shtyp.

Sipas Guvernatorit Sejko zgjatja në kohë e pandemisë dhe një riprezantim i masave për distancim social për mospërhapjen e virusit do të kërkonin një lehtësim të mëtejshëm të politikës monetare si një përgjigje për menaxhimin e situatës.