Eksperti i sigurisë kibernetike, Florian Kunushevci, është renditur në listën e personave të cilët identifikuan rreziqet në sistemin e sigurisë të gjigandit mediatik BBC.
Programi VDP, ka për qëllim të identifikojë dobësitë e organizatës për sa i përket sigurisë kibernetike dhe ndihmon në korrigjimin e problemeve para se ato të shfrytëzohen nga pala e hakerëve, ndërkaq ai ishte njëri ndër personat që identifikoi një problem tek rrjeti britanik BBC.
Lajmi u bë i ditur nga Kunushevci, përmes një njoftimi në Facebook i cili shkruan:
“Pas raportimit të dobësive në aspekt të sigurisë kibernetike drejt televizionit Britanik BBC jam mirënjohës për ‘Acknowledgment’ dhe një bluze në shenjë mirënjohjeje që është ende në proces e sipër. Problemi i raportuar është rregulluar”.
Pas raportimit të dobësive në aspekt të sigurisë kibernetike drejt televizionit Britanik BBC jam mirënjohës për '…
Gepostet von Florian Kunushevci am Montag, 3. August 2020