Mosha për të është thjesht një numër, Ansi Agolli ka shkëlqyer me një supergol në kampionatin amerikan. Ai i ka mahnitur të gjithë te skuadra amerikane e Nju Jork Kozmos, ku aktivizohet prej më shumë se një viti.
Mbrojtësi i majtë, së fundmi ka shënuar një supergol nga goditja e dënimit, duke i lënë të gjithë “gojëhapur”.
Nju Jork Kozmos militon në ligat e ulëta në Amerikë, teksa së fundmi janë përballur me Nju Amsterdam. Pikërisht golin e vetëm për Nju Jork Kozmos e shënoi futbollisti shqiptar, gol i cili ishte me të vërtetë spektakolar për nga mënyra e ekzekutimit.
Agolli tregon edhe njëherë se mosha për të është thjesht një numër, ku pavarësisht se është 37 vjeç, vazhdon të tregojë formë të shkëlqyer në fushën e blertë.
