Studiuesi shqiptar në Gjermani, Hysni Ndreu, në 100-vjetorin e lindjes së Arshi Pipës prezanton një studimim të shkurtër për ciklin “Kanali”, pjesë e “Librit të burgut”.

Arshi Pipa është një intelektual i mirëfilltë kontributet e të cilit shtrihen në disa fusha: në letërsi, në kritikë letrare, në studime letrare dhe gjuhësore, shkenca politike, filozofi etj.

Figura e Pipës është mjaft e njohur në mjediset akademike, universitare, megjithatë edhe 30 vjet pas rënies së diktaturës ai mbetet thuajse i panjohur për lexuesin e thjeshtë shqiptar.

Studiuesi Ndreu bën një prezantim të shkurtër vertikal të biografisë së tij. “Libri i burgut” u shkrua në pjesën dërrmuese gjatë periudhës së burgimit të Arshi Pipës, prandaj ka marrë edhe këtë titull. Ai tregon disa fakte interesante për rrethanat në të cilat është shkruar ky libër.