Kosova është një shtet i pavarur, por nuk ekziston një kombësi “kosovare”. Kjo është një nga gjërat që të bën përshtypje thuajse në çdo rast, që kontaktojmë me vëllezërit tanë nga Kosova.

Kështu ka thënë mbrëmjen e djeshme në në një intervistë me Adi Krastën, babai i këngëtares së njohur shqiptare Dua Lipa. Në lidhjen direkte Dukagjin Lipa ka folur më shumë mbi postimin e Dua Lipës që shkaktoi një “furtunë” në internet pak ditë më parë.

Unë personalisht nuk pajtohem me termin kosovar, unë pajtohem me termin shqiptar nga Kosova. Shpesh më pyesin nga je ti? A je shqiptar a je kosovar. Jo, jo unë jam shqiptar nga Kosova ashtu sic është Dua shqiptare që ka lindur në Britani Ajo krejt postimet e saja që i bën për Kosovë, për Shqipërinë  i bën vetë. Por në asnjë moment unë nuk e shtyj që Dua duhet berë kështu apo në këtë mënyrë. Ajo i bën sepse e do vendin e vet, sepse ndjen përgjegjësinë morale edhe përgjegjësinë ndaj popullit tone ndaj i shfrytëzon ndonjëherë platformat sociale për të rregulluar sendet e gabueshme”, tha gjatë intervistës Dukagjin Lipa.

Ai ka rrëfyer se postimi i flamurit më Ismail Qemalin dhe Isa Boletinin nuk ishte një vendim spontan. “Erdhi si pasojë e një fryme negative që ishte krijuar në rrjetet sociale. Pas një kohe ndjenjat patriotike të Duas u ngjallen deri në atë mase sa e postoi. Unë nuk isha në dijeni, Të gjitha postimet që ajo bën në lidhje me trevat shqiptare me kulturën shqiptare ajo i bën se ka dëshirë të promovojë origjinën e saj” tha Dukagjin Lipa.