Më 31 janar 2020, qeveria italiane shpalli gjendjen e jashtëzakonshme 6 mujore për shkak të pandemisë Coronavirus, masë të cilën e shtyu më 31 korrik, si pasojë e rrezikut që po shfaqte virusi Covid-19.
Kur gjithçka në Itali dukej se po i kthehej normalitetit, qeveria ka vendosur që të zgjasë gjendjen e jashtëzakonshme deri më 31 tetor.
Sipas mediave italiane gjendja e jashtëzakonshme i jep qeverisë dhe mbrojtjes civile pushtet të “të veçantë”. Pikërisht për këtë arsye Pd dhe Iv i kërkuan kryeministrit t’i jepte garanci Parlamentit me disa klauzola të veçanta.
Në veçanti, kërkesa është që të shoqërohet me aktin e zgjatjes në një dekret që përcakton perimetrin në të cilin qeveria do të lëvizë.
Zonat e reja të kuqe
Zgjatja lejon që, në rast të shpërthimeve serioze, të vendosen “zona të kuqe” të reja, që janë plotësisht të kufizuara dhe të mbyllura për shkëmbimet e jashtme.
Shkolla
Dispozita do të bëjë të mundur blerjen e të gjithë materialeve të nevojshëm për rifillimin e shkollës në mënyrë të sigurt: maska, xhel, stola, ndarës xhami.
Në rastin e një vale të dytë dekreti parashikon shtimin e kapaciteteve mjekësorë ku do të shndërrohen në spitale Covid, kazermat ose hotelet.
Fluturimet
Gjendja e jashtëzakonshme gjithashtu lejon të bllokohen fluturimet drejt dhe nga shtetet që konsiderohen të rrezikuara. DiasporaShqiptare.al