Në bashkinë e Winnipeg në Kanada, këshilltarët, Brian Mayes, ka folur për herë të parë shqip në këtë këshill.

Ai dha lajmin e mirë që komuniteti shqiptar është bashkuar në grupin Folklorama (event që mbahet në muajn gusht në Winnipeg dhe ka në thelb prezantimin e kulturave të komuniteteve të ndryshme) dhe ka folur në gjuhën shqipe për herë të parë në mbledhjen e këshillit.

Ai foli për besën e shqiptarit dhe për mbrojtjen që ne u kemi bërë popullit të izraelit në luftën e Dytë Botërore dhe tha në shqip shprehjen popullore “Besa e shqiptarit si purteka e arit”.

Brian Mayes:

Një lajm i mirë erdhi gjatë periudhës së Covid, “Folklorama” ka pranuar kërkesën e komunitetit shqiptaro-kanadez për t’u bashkuar me grupin “Folklorama” duke filluar nga viti 2022.

Në nder të kësaj unë dua të them një fjalë të urtë në shqip e cila ka lidhje me konceptin e besës dhe nderit.

Ndoshta mund ta kujtoni një fotografi në muze para disa vitesh që tregonte komunitetin shqiptar gjatë Luftës së Dytë Botërore të cilët shpëtuan shumë hebrenj..

Në nder të komunitetit shqiptar për herë të parë këtu në Këshillin e Qytetit do të them disa fjalë në shqip, “Besa e shqiptarit, si purtekë e arit”.

Faleminderit.