Aeroporti Ndërkombëtar “Nënë Tereza” nëpërmjet një njoftimi ka bërë me dije se çdo pasagjer që niset nga Shqipëria apo vend jo Schengen me destinacion final Pisan dhe Firencen në Itali, duhet të tregohet i vëmendshëm për t’u regjistruar para hyrjes në territorin Italian në linkun e faqes zyrtare të Rajonit të Toskanës.

“I lutemi çdo pasagjeri që niset nga Shqipëria apo vend jo Schengen me destinacion final Pisan dhe Firencen në Itali, të ketë në vëmendje se ka detyrimin për t’u regjistruar para hyrjes në territorin Italian në linkun faqes zyrtare të Rajonit të Toskanës, si vijon:

https://www.prevenzionecollettiva.toscana.it/…/segnalazione…

Sapo të mbërrijnë në Pisa apo Firence, pasagjerët janë të detyruar të tregojnë aplikimin e plotesuar, i cili do të verifikohet nga Departamenti i Shëndetit i Rajonit të Toskanës.

I lutemi pasagjerëve të jenë të kujdesshëm, kundrejt këtij urdhëri të ri të dalë nga Rajoni i Toskanës, në Itali.

Ju kujtojmë se lejohen të udhëtojnë vetëm rezidentët në Bashkimin Europian dhe nënshtetasit EU” thuhet në njoftim.