Covid 19 ka ndryshuar stilin e jetës, jemi të detyruar që ti përshtatemi normalitetit të ri i cili përfshin kontrollin të rregull të virusit.
Përpjekja për ta mposhtur Koronavirusin do të zgjasë sëpaku deri sa të gjejmë një vaksinë, kështu thonë shkencëtaret.
Më e prekur nga pandemia është mosha e tretë, disa nga ata kanë vështirësi të përballen me të gjitha këto ndryshime të tjerët kanë nevojë për një zë miqësor në mënyrë që të përballojnë vetminë që sjell izolimi.
Pajazit Ibrahimi sekretari i shoqatës së pensionistëve shqiptaro-australian tregon si ka ndryshuar jeta ne komunitetin shqiptar nga pandemia.
Pajazit jetojmë në një kohë pa kohë si ndikon pandemi në jetën tuaj?
Ka ndikuar si tek e gjithë bota, por pak më shumë tek ne të moshuarit. Ne i kemi disa censura pak më të vështira pasi konsultimet me mjekët dhe doktorët thojnë që mosha e tretë e jona duhet të qëndrojnë më tepër brenda, mos të lëvizim shumë ose me masa mbrojtëse.
Me të vërtetë nuk është jeta e përshtatshme, nuk është mire, por duhet të biem dakord me këtë krizë dhe të presim për ditë më të mira.
Sigurisht që ditë më të mira do të vijnë, nuk janë edhe aq larg. Shkencëtaret dhe mjekët shprehen se duhet të presim deri sa të zhvillohet vaksina e cila ajo merr pak kohë.
Pandemia me siguri ka ndalur lëvizjen dhe tubimet e pensionistëve, jeni në kontakt me anëtarë të tjerë të shoqatës?
Po jemi në kontakt me disa me telefonata, por me ata që jam në kontak ata janë në kontakt me të tjerë dhe kemi informata të mira. Nuk ka pasoja tek asnjë antar i shoqatës tonë.
Në mars qeveria dërgoi mesazh që na këshillonte që të kishim kujdes me disa udhëzime se si duhet që të sillemi për të mos u infektuar dhe ne e kemi marrë me seriozitet ku e përkthyer në shqip dhe jua dërguam anëtarëve.
Deri më tani nuk kemi informacion për pasoja.
Të gjithëve na mungon shoqëria Pajazit dhe veçanërisht moshës së tretë. Tani që jeni në izolim, takimet me nipërit, mbesat ju dhe pensionistë të tjerë si i zhvilloni?
Në fillim kur ishte faza e parë ishte e ndaluar edhe ata me i taku. Megjithë atë unë jetoj me djalin me nipër dhe mbesa, por ata që jetojnë veçmas nuk kanë pas të drejtë me i takuar.
Tani që kaloi faza është liruar dhe kemi mundësi me i taku familjarët, por normalisht me kujdes të madh.
Neve na shqetëson edhe situata në Shqipëri dhe Kosovë apo Maqedoni e kudo pasi ka filluar një shtrirje shumë e gjërë dhe është me pasoja të mëdha, po mërzitemi për ta.
Cila mënyrë sipas jush është më e mirë për pensionistët të mbrohen nga virusi?
Ne zbatojmë udhëzimet siç i kemi nga qeveria që të qëndrojmë në shtëpi, të dalim rrallë deri tek mjeku apo për Pazar, mos të lëvizim shumë, të mbajmë maska, të ruajmë distancën, këto janë gjërat që duhet ti respektojmë.
Pajazit cili është mesazhi juaj për anëtarët e shoqatës së pensionistëve?
Unë për anëtarët e shoqatës së pensionistëve u them që të respektojnë rreptësishtë këto rregulla që qeveria i ka paraqit dhe mos ti neglizhojnë.
Kjo është diçka e vërtetë pasi po dëgjoj shumë që thonë nuk është e vërtetë. Duhet të zbatojnë rregullat, distancën, higjenën, larjen e duarve etj. SBS
