Efektet e pandemisë së shkaktuar nga Covid-19 kanë ndryshuar ekuilibrin ekonomik të shumë vendeve të ndryshme. Edhe në Kosovë shumë biznese janë në rrezik për shkak të vështirësive të krijuara nga pandemia. Kreu i Odës Ekonomike të Kosovës, Z. Berat Rukiqi thotë se kjo është situata më vështirë me të cilin po përballet vendi që prej vitit 1999.

Si është situata e sipërmarrjes në Kosovë pas pandemisë?

Kjo është situate më  e vështirë e jona që pas luftës, për ndërmarrjet tona. Ne presim një tkurrje ekonomike në variantin më optimist 5% që për herë të parë na fut ne në recession.

Po shpresojmë që masat fiskale nga ana e qeverisë por edhe sado pak gjendja do të përmirësohet në aspektin e menaxhimit të pjesës që lidhet me shëndetin publik dhe të mos humbim as vende pune.

Ne po presim që të ketë një ndërhyrje që u mundëson kompanive me mbijetuar, jo që presim ndonjë rritje ekonomike apo ndonjë zhvillim pozitiv.

Plani i masave të parashikuara nga qeveria e Kosovës, cili mendoni që mund të jetë më i realizueshmi dhe më i përshtatshmi?

Ne kërkojmë dy pjesë të adresohen në masat e rimëkëmbjes, është pjesa e parë që lidhet me qasjen e financave që do ta ndihmojë likuiditetin e kompanive, një financim që mund të vijë me kosto të favorshme për biznesin me “Grace periudha” (periudhë e pritjes të kthimit të kredive).

Pjesa e dytë lidhet me lehtësirat tatimore me një shtyrje të pagesave tatimore të obligimeve ndaj shtetit sidomos për sektorët që janë më të prekur nga pandemia.

Keni një të dhënë se sa sipërmarrës nga Diaspora janë kthyer dhe kanë investuar në zonë?

Problemi i të dhënave është një çështje në vete, ne kemi shumë  biznese të Diasporës të rregjistruara, realisht edhe investimet e huaja në Kosovë, pjesa më e madhe e tyre dominohet nga invesitme e Diasporës.

Janë dhjetra ndërmarrje të Diasporës që janë edhe investitorë në kapacitetet prodhuese të vendit, por nuk mund të flasim asnjëherë për numër të saktë.

Ne e trajtojmë Diasporën shqiptare si të pandarë në kuptim që janë qytetar bashkëatdhetar tanët nga rajone të ndryshme shqiptare dhe sikur këtë pjesë që po trajtojmë me pas një  komplementaritet ekonomik mes Kosovës dhe Shqipërisë dhe në anën tjetër po tentojmë me pas një komplemetarit të investimeve të Diasporës.

Diaspora është një potencial i mirë për të nxitur investime të reja në Kosovë dhe Shqipëri dhe eksportuar produkte nga Kosova dhe Shqipëria drejt vendeve europiane si dhe drejt Shteteve të Bashkuara të Amerikës ku kemi një Diasporë të fuqishme në Turqi dhe në disa vende të tjera që janë me potencial ekonomik, qoftë për investim qoftë për eksport, kështu që kjo është ajo pjesa ku qëllimet janë të përbashkëta dhe në këtë drejtim do të orientohet edhe bashkëpunimi jonë.

Duke qëne se jemi te investimet e Diasporës cili sugjeroni që të jetë bashkëpunimi  mes jush dhe Dhomës së Biznesit të Diasporës?

Të fokusohet në shërbimet të cilat e lehtësojnë të bërit biznes për bizneset nga Diaspora domethënë shërbime të mirë orjentuara, jo vetëm tipe të ngjarjeve të mëdha që duken ndoshta mirë në një moment të caktuar po më shumë shërbime të drejtpërdrejta për ata që duan që të kenë biznes.

Një përfaqësim i besueshëm që nuk e dyshoj duke para këtë strukturë që e kanë edhe në të njejtën kohë një transparencë në komunikim me të gjithë dhe normalisht një përfaqësim interesave në mënyrë të balancuar.