Këngëtarja e re dhe e talentuar shqiptare Enisa, nëpërmjet një statusi në rrjetin social “Twitter” ka bërë me dije se kënga e saj ka hapur filmin “Miss Virgina”, një prodhim i gjigandit Netflix.

Enisa është këngëtare shqiptare, por që ka lindur dhe është rritur në Bruklin të Shteteve të Bashkuara të Amerikës.

Ajo ka plot 444 mijë ndjekës në Instagram dhe është shumë e njohur për publikimin e “Cover”-ve të këngëve më të njohura në treg.

Gjithashtu ajo ka publikuar edhe disa këngë të sajat ku njëra ndër to është pikërisht “Glory Days”.

Kënga e saj më e njohur është “Wait For Love”, e publikuar në korrik të vitit 2019. Ajo gjithashtu ka bërë një këngë në dhjetor të vitit 2019 në lidhje me tërmetin që preku Shqipërinë më 26 nëntor duke lënë qindra banesa të shkatërruara dhe 51 viktima.

Në status ajo shkruan:

Kënga ime është në një film të madh për herë të parë. Kënga ime në fakt hap filmin “Miss Virginia”, e kam shkruar këtë këngë para 5 vitesh teksa isha në shtrat dhe brenda 10 minutave duke mos menduar fare për të, dhe shikon tani, mund ta ndiqni në Netflix dhe Tv.

Statusin ajo e ka shoqëruar me një video teksa po jepet filmi.

Enisa në kanalin e saj në Youtube ka rreth 14 milion shikime dhe 148 mijë persona subscribe.