Deutsche Welle ka realizuar një reportazh për pronarin e një fermë në fshatin Sferkë në Kosovë. Ai është Berat Hasani dhe ka një histori shumë interesante për të treguar.

Banorët e fshatit e quajnë mbreti i blegtorëve. Ai para se të niste punën si fermer ka jetuar për gjashtë vite në Belgjikë ku ka punuar në një fermë zogjsh.

Ai është i arsimuar në degën e Shkencave të Politikës në Universitetin e Prishtinës e më pas edhe magjistraturën.

Ai ka vendosur që të mos jetojë si zyrtar dhe është kthyer në fshatin e tij të lindjes ku ka blerë disa lopë dhe tani rreth 50 krerë.

Ai shprehet:

Shumica e njerëzve, bashkëfshatarëve, kanë nga një punë në qytet ose në vende të ndryshme por unë për veten time kam gjetur zgjidhjen dhe jam i kënaqur.

Nuk e shikoj të arsyeshme që të punoj për një rrogë, kur mundem me bërë diçka më tepër.

Fshati ka filluar që të braktiset pasi shumica nuk duan jetë fshati sepse në të nuk gjejnë kuptim.

Kushtet e vështira dhe jeta në fshat nuk është zgjidhja që duan të rinjtë.

Hasani përveç tokës së tij, merr edhe toka të tjera me qira pasi bashkëfshatarët që kanë bagëti janë të rrallë dhe në të shumtën e rasteve nuk merren me bujqësi.

Hasani shprehet se shumica e njerëzve mendojnë që për 1 vit ose dy shumica e njerëzve mendojnë se mund t’i arrin qëllimet dhe nuk mendojnë për ndonjë afat më të gjatë dhe e neglizhojnë pastaj.

Ai thotë se duhet të paktën 10 vite për të arritur diçka të suksesshme.

Për më tepër ndiqni kronikën e DW.