Të eksperimentosh me vargjet arbëreshe dhe muzikën reggae. Po mundte ndodhë. Ky është projekti më i fundit i realizuar nga grupi muzikor arbëresh Skanderband405. Pak ditë më parë ata kanë publikuar këngën “Si passer” (si harabel) një produksion i shtëpisë muzikore Mylosao Records.
Grupi i të rinjëve dëshirojnë të rifreskojnë traditën, ta bëjnë atë më të afërt me brezin e tyre si dhe të japin mesazhe në gjuhën e të parëve të tyre por duke i bërë të kuptueshme edhe për brezin e ri, kësaj here me testin në arbërisht të Demetrio Liguori dhe Lorenzo Gabriele ata kanë eksperimentuar me tinguj e muzikës reggae.
Skanderband405 janë një grup muzikor aktiv në komunitetin arbëresh. Ata kanë marre pjesë në aktivitete të ndryshme të kulturës arbëreshe si Festival della Canzone Arbëreshe etj.
Gjithashtu Skanderband405 kanë interpretuar dhe në koncertin “Play for Shqipëria” organizuar më 29 dhjetor 2019 në San Demetrio Corone, një koncert bamirësie për ti ardhur në ndihmë familjeve të prekura nga tërmeti i 26 nëntorit.
Skanderband405 nuk janë i vetmi grup i ri arbëresh të cilët ndërthurin muzikën bashkëkohore me tekstet në gjuhën arbëreshe. Pak muaj më parë, grupi The Daggs” publikoi këngën me titullin “Lumturi”, me tekst nga poeti arbëresh Pasquale Renda.
