Shkrimtari me origjinë arbëreshe Carmine Abate, në librin e tij “Motori i Skendërbeut” (La moto di Scanderbeg), ka zgjuar kuriozitetin e lexuesve për pjesëtarët e këtij komuniteti dhe mënyrën e ndërtimit të identitetit të tyre kombëtar.

Në përshkrimin e librit thuhet se personazhi kryesor, Giovanni Alessi ikën gjithnjë: nga familja e tij, nga vendi ku ka lindur dhe është rritur, nga gjuha të cilës i përket si arbëresh i Kalabrisë, nga vetja dhe nga fantazmat e të shkuarës së vet.

Mbërrin në Gjermani, dhe aty më në fund bashkohet me Claudia-n, gruan me të cilën është dashuruar që në rininë e hershme. Kujtimet e kohës së njohjes me Claudia-n e kthejnë në historinë e tij dhe të të atit Scanderbeg-ut, një aventurier i pandreqshëm dhe tërheqës, gjithmonë në shoqërinë e motorit të tij, e më tej drejtues i revoltave fshatare në Italinë e pasluftës.

Historia e Scanderbeg-ut dhe historisë së tij të pavdekshme për Lidia-n, çështjet mes Giovanni-t dhe Claudia-s, një tjetër historia romantike dhe e dëshpëruar, kryqëzohen së bashku me figurën e Stefano Santori-t, një djalë me sy tërheqës, i pajisur me aftësi largpamëse, si dhe me sagën e heorit tonë kombëtar Skëndërbeut.

Ky roman i Abates, në mënyrë mjeshtërore qendron mes narracionit, memories dhe regjistrit lirik, dhe është një roman i pazakontë e surprizues mbi identitetin dhe kërkimin e vetes, vepër kjo që shpeh maturinë e njërit nga shkrimtarët më origjinalë të letërsisë italiane të shekullit të fundit.

Karmine Abate shkrimtar arbëresh nga fshat Karfici i Kalabrisë dhe një ndër shkrimtarët më të njohur të Italisë së dy dhjetëvjeçarëve të fundit.  Ai lindi në Carfizzi, në 24 tetor 1954.

Herën e parë ai u paraqit para lexuesi shqiptar në fillim të viteve ’90 me romanin me titull “Shtegtimi i unazës”.

Ndër veprat e tij më të njohura përmendim:

• Nel labirinto della vita, Roma : Juvenilia, 1977.
• I Germanesi: storia e vita di una comunità calabrese e dei suoi emigranti, Carmine Abate; Meike Behrmann, Cosenza Pellegrini, 1986.
• Shtegtimi i unazës, Pejë : Dukagjini, 1994.
• La moto di Scanderbeg, Fazi, 1999.
• Tra due mari, Mondadori, 2002 (Premio Società dei Lettori, Lucca-Roma).
• La festa del ritorno, Mondadori, (2004) (vincitore del “Premio Napoli”, “Premio Selezione Campiello” e Premio Corrado Alvaro)
• Il muro dei muri, Oscar Mondadori, 2006.
• Il ballo tondo, Piccola biblioteca Oscar Mondadori, 2005.
• Terre di andata, Argo, 1996.
• Il mosaico del tempo grande, Mondadori, 2006.
• Gli anni veloci – Mondadori, 2008.
• Vivere per addizione e altri viaggi, Mondadori, 2010.
• Terre di andata. Poesie & proesie, Il Maestrale, 2011.
• La collina del vento, Mondadori, 2012 (vincitore del Premio Campiello).