Kori “Armonia” e Selanikut është i veçantë për faktin se një pjesë e “artistëve” të tij në profesion janë juristë, noterë dhe avokat. Por përtej pasionit që ata kanë për muzikën kësaj herë kanë organizuar një koncert për të falenderuar publikisht të gjithë mjekët që në këto ditë të vështira që kaloi mbarë njerëzimi përfshirë dhe Selaniku ju gjendën pranë njerëzve.

Koncerti u mbajt për mjekët dhe personelin spitalor  në oborrin e spitalit ” Shën Dhimitri”, në shenjë mirënjohjeje për sfidat me të cilat u ndeshën gjatë pandemisë së COVID-19.

Pjesë e këtij kori shqiptarja Anila Rezhda sqaron se “Anëtarët e këtij kori janë vetëm persona të diplomuar për muzikë si dhe gjyqtarë, avokatë dhe funksionarë të fushës së juridiksionit”

Kori, i udhëhequr nga dirigjent-avokati N. Kyriakou, u ndoq nga anëtarët e Shoqatës së Avokatëve të Selanikut, ndërsa infermierja e Theageneio, Christina Zokidou, recitoi poezinë e saj me titullin “Himni te infermierja”.

Përveç stafit të spitalit, në koncert morën pjesë deputeti i ND Savvas Anastasiadis, deputeti i SYRIZA Giannis Amanatidis dhe Zëvendës Guvernatori Rajonal i Selanikut Voula Patoulidou.