Marko Kepi është një nga veprimtarët e rinj të komunitetit shqiptaro-amerikan. Kandidati republikan për Asamblenë e Nju Jorkut në zgjedhjet e 23 qershorit në SHBA, mbështetet nga një numër i madh shqiptarësh, të cilët jetojnë në zonën elektorale ku ai kandidon.

 

Angazhimi i Kepit në komunitet, përfshirë edhe komunitetin shqiptar, është i vazhdueshëm, ku mund të përmendet roli i tij si Kryetar i Organizatës “Rrënjët Shqiptare” në Nju Jork.

Marko Kepi është i njohur  në komunitetin shqiptaro-amerikan kryesisht për organizimin e suksesshëm dhe manifestimit shqiptar në Paradën e përvitshme të Fondacionit të Emigrantëve në Nju Jork.

E emëruar me emrin “Parada Shqiptare”, pjesa kuq e zi e këtij marshimi është bërë ngjarja më e madhe e komunitetit shqiptar në dhjetë vitet e fundit.

Shqiptaro-amerikani Kepi kandidon në distriktin 64 të Asamblesë së Nju Jorkut.

Nëse Marko Kepi fiton, do të bëhej shqiptaro-amerikani i dytë i zgjedhur në këtë Asamble, pas Mark Gjonajt. I cili aktualisht është anëtar i Këshillit Bashkiak të Nju Jorkut dhe Anëtar i Këshillit Koordinues të Diasporës,

Marko Kepi mbart historinë klasike amerikane të djalit emigrant, në këtë rast nga një familje nga Shqipëria. Ai ngjit shkallët e suksesit falë lirisë dhe demokracisë amerikane. Që në moshë të re, ai ka dëshmuar pasion të madh dhe interes për politikën.

Së fundmi, ai ka ndërmarrë një nismë për t’u ardhur në ndihmë të prekurve nga tërmetii 26 Nëntorit.

Ku në vetëm dy ditë u arrit të mblidheshin  1,3 milionë dollarë të cilat të cilat do të mundësonin ndërtimin e shumë shtëpive të shkatërrruara nga tërmeti.