Emina Çunmulaj, modelja amerikane me prejardhje shqiptare ka ndërmarrë një iniciativë, duke u bërë zëri i atyre që janë dhunuar për një kohë shumë të gjatë.

Në videon e publikuar në rrjete sociale, ajo apelon që të gjithë të bashkohemi dhe të japim kontributin tonë në ndërgjegjësimin e shoqërisë si dhe në mbledhjen  e fondeve për të ju ardhur në ndihmë viktimave.

Teksa kthehet pas, duke kujtuar momentet që ka përjetuar për një kohë të gjatë, ajo shprehu përkrahjen për të gjitha ato femra në të gjithë botën të cilat e kanë të domosdoshme mbështetjen, Apeli i saj shkon për  reduktimin e dhunës në familje dhe rritjen e mirëqënies së grave dhe vajzave.

“Jam zëri i atyre që janë dhunuar për një kohë shumë të gjatë. Duke filluar nga unë. Po e bëj këtë thirrje, sepse qëndroj përkrahë të gjitha grave që kanë nevojë për ndihmë.  Kam nëvojë për ndihmën tuaj për të ndërgjegjësuar shoqërinë, për të mbledhur fonde, në mënyrë që motrat e mia, vëllezërit e mi, nënat tona. Nuk do të duhet të kalojnë kurrë gjërat që ato kanë kaluar”- e mbyll mesazhin e saj modelja amerikane.

Emina Çunmulaj prej vitesh jeton në SHBA ku një karrierë të goxha të suksesshme si modele.