Kryetari i Komunës “Piana Degli Albanesi” në Siçili të Italisë, Rosario Petta, ka shpërndarë një video të realizuar nga fotoreporteri Enzo Ferreri, në të cilën paraqiten vendet më të bukura të Horës së Arbëreshëve.

Përmes kolazhit me fotografi, paraqiten momente të jetës së Arbëreshëve të këtij komuniteti, objektet kryesore të kultit, elemente të etnografisë e të traditave kryesore shqiptare.

Petta anëtar i Këshillit Koordinues të Diasporës pasqyron në mënyrë të vazhdueshme  aktivitetet e komunitetit arbëresh, lidhjen që ruajnë me Shqipërinë si dhe ngjarje që  nderojnë dhe kujtojnë historinë shqiptare në çdo kohë.