Aktivistë të shoqërisë civile, analistë, gazetarë, qytetarë të thjeshtë e së fundmi edhe futbollistë nuk kanë nguruar të shprehin argumentet e tyre  pro dhe kundër ndryshimit të sistemit aktual zgjedhor dhe rëndësinë e votës së Diasporës

Në mesin e tyre është pozicionuar edhe ish-kapiteni, Lorik Cana i cili nëpërmjet një statusi në rrjetet sociale ka apeluar që t’i kushtohet një vëmendje e veçantë votës së Diasporës. Cana i ka kërkuar ndjekësve të tij dhe jo vetëm të nënshkruajnë peticionin e publikuar pak ditë më parë nga Këshilli Koordinues i Diasporës për miratimin e të drejtës së votës për shtetasit shqiptarë që jetojnë jashtë vendlindjes.

Postimi i plotë:

“Të dashur miq, vëllezër dhe motra!

Në këto kohë të vështira, kur jemi duke u përballur me epideminë Covid 19, kur po kujdesemi për familjet dhe miqtë tanë, kemi një dritare të shkurtër mundësie për të formuar të ardhmen e Shqipërisë përmes fuqisë së votës së Diasporës.

Këshilli Politik për Reformën Zgjedhore do të bëjë rekomandimet e tyre në Komisionin Parlamentar Shqiptar për Reformën Zgjedhore për votimin e Diasporës për zgjedhjet e ardhshme parlamentare të planifikuara për vitin 2021.

Ju lutemi nënshkruani këtë peticion, ndajeni me familjen dhe miqtë për ta nënshkruar, qarkullojeni me kontaktet, email dhe ndajeni në rrjetet sociale. Nga kjo varet stabiliteti dhe e ardhmja e Shqipërisë!

Reforma zgjedhore shumë e nevojshme për përfaqësimin e listave të hapura dhe votimi i Diasporës në Shqipëri do të sjellë stabilitet politik, mirëqenie ekonomike, do të reflektojë edhe vullnetin e vërtetë të popullit. Kosova tashmë e lejon, le ta bëjmë në Shqipëri!”- e mbyll postimin e tij, ish-trajneri kuqezi Cana.