Pandemia Covid-19 ka ndryshuar jetën e miliona njerëzve në mbarë botën. Prej afro dy muajsh, shumëkush u detyrua të qendronte mbyllur në shtëpi, përfshi këtu komunitetin arbëreshë në Kalabri, Itali.

Megjithatë, arbëreshët e rajonit Molise janë treguar mjaft kreativë. Me qëllimin për të ndërgjegjësuar dhe sensibilizuar pjesëtarët e komunitetit, kanë krijuar online një fjalorth termash në arbërisht mbi terminologjinë që shoqëron pandeminë Covid-19. Madje, edhe këshillat mbi përshtatjen me situatën e re sociale paraqiten me perifrazim në arbërisht.

Gjithësej mbullitur  –  I mbyllur

Shurben ka shtëpia – Punë e zgjuar

Ngë ndjen mozgjë – Anti-simptomatik

Të dharassuora me tjerit – Distancë sociale

Ka të rriç brënda shtëpis – Karantinë

Vendi më i larti e kurvës –  Piku

Gjithë bashkë e prrëz – Turmë

Nani shohmi kush hyn e kush jo –  Parakalim

E zure –  Pozitiv

Ku ka veç? –  Autocertifikatë 

Këto janë fjalët e publikuara në fjalorin online të arbëreshëve të rajonit Molise.

“Diaspora Shqiptare” ka përzgjedhur nga këshillat e perifrazuara në arbërisht disa prej tyre, të cilat mund t’i shihni më poshtë.