“Unë do të lë kompetentët për të shkruar për të kaluarën, megjithatë, diçka më shumë se një histori e vogël personale ka ndodhur më 2 korrik. Bodinaku jo vetëm që çau murin e ambasadës gjermane, por theu nëpërmjet thembrës së Akilit një prej diktaturave më shtypëse në botë.” Kështu hapet romani i parë narrativ i shkrimtarit shqiptar Elvis Malaj, “Deti është i rrumbullakët”.

Malaj ka lindur në vitin 1990 në Malësi të Madhe dhe u zhvendos në Itali që në moshën pesëmbëdhjetë vjeçare, për herë të parë në Aleksandri, dhe sot në Padova, ku ai jeton dhe punon. “Deti është i rrumbullakët” përshkruhet prej tij si hapësirë ku heroi i historisë shqiptare, në këtë rast Ylli Bodinaku, ka një dimension shumë njerëzor.

Më 2 korrik të 1990, Bodinaku kaloi murin e ambasadës gjermane me kamion, së bashku me bashkëshorten dhe dy fëmijët, për t’i ikur varfërisë, kaosit dhe presionit politik në Shqipëri. Një faqe online, Nirvam.it, me një komunitet me mbi 3 milionë anëtarë në Itali, aktiv që nga viti 2005, e prezanton kështu librin e shkrimtarit shqiptar:

“Ajo mes Ujkan dhe Italisë është një marrëdhënie e ndërlikuar. Shkuarja atje ka qenë gjithmonë qëllimi i jetës së tij, por ai nuk e kujton më arsyen. Kur ishte njëmbëdhjetë, kishte provuar ta arrinte atë duke u përzier me refugjatët kosovarë, por nëna e tij kishte arritur ta gjente një moment para se të nisej. Që nga ajo kohë, e gjithë ekzistenca e tij ka qenë një seri e njëpasnjëshme e përpjekjeve të dështuara: herën e fundit nuk gjeti kohë as për të larë këmbët”.

“Unë nuk ndihem mirë me këtë,” i tha ai kontrabandistit dhe qëndroi në gomone deri në momentin kur mbërriti në shtëpi, në Shqipëri. Tani ai ka një verë të gjatë plot pritje, punë me paga të dobëta dhe projekte absurde biznesi me miqtë e tij, Sulejmanin dhe Gjokën. I pari synon t’i japë formë një romani në një makinë shkrimi të vjetër të vendosur në oborr, ndërsa i dyti  e ndan veten mes bareve dhe bilardove pa hequr kurrë xhaketën dhe krevatën e tij.

Ekziston edhe Irena, kjo bukuri në biçikletë: Ujkan e ndjek, ëndërron, e kërkon atë, ajo kërcënon ta qëllojë por nuk e bën kurrë diçka të tillë. Ndërsa Italia mbetet në prapavijë, e thënë nga të gjithë ato që nuk kanë dëshirë në të vërtetë që të shkelin në të. Elvis Malaj na zvarrit në një lojë letrare, në të cilën, midis xhirove të zbrazëta dhe fillimeve të rreme, ai argëton veten për të mahnitur lexuesit dhe i shoqëron ata në perfundim i papritur.