“Shqipëria, ky vend pak më i madh se Maryland, është ideale për eksplorim. Nga kryeqyteti deri tek Alpet, shtigjet e saj rivalizojnë Zvicrën dhe Zelandën e Re. Megjithatë, zemra e tokës së shqiponjave është riviera’’, kështu e nis artikullin gazetari Danielle Owen në faqen amerikane kushtuar turizimit, ”thrillist.com”.
”Shqipëria është padyshim një nga destinacionet më të mrekullueshme të plazhit në Evropë”, vijon ai teksa rendit ato më të bukurat në vend, duke ofruar gjithashtu një panoramë të hollësishme për të gjithë ata turistë që mund të stepen këtë sezon veror për shkak të pandemisë Covid-19.
***
Drymades / Dhërmi
Çdo vit e nis sezonin veror me të njëjtin pelegrinazh në plazhin e Drymades. Në bregdetin jugor rreth 3.5 orë nga kryeqyteti, përshkoj një rrugë të lezetshme nga maja e Llogarasë, ndonëse pak të frikshme, gjarpërushe. Pavarësisht kësaj, Drymades është plazhi im i preferuar në Shqipëri. Dhe në Tokë.
Në skajin verior të plazhit, një hark natyror me fytyrë shkëmbore të çon në një breg të vogël me guralecë. Në të jo rrallë ndodh të shohësh më shumë se një grusht njerëzish. Nga atje, unë ngjitem në këmbë ose notoj për të arritur në limën time të vockël të vendosur midis gurëve, ku mund të jem i vetëm përballë ujërave blu e kristal të pastër.
Drymades ofron për strehim kampe buzë detit dhe hotele butik në majë të kodrave. Ka një mori kioskash dhe restorantesh për të shijuar. Ky është një vend për midhjet e freskëta dhe oktapodet, perëndimet e gjata të diellit dhe verërat e bëra në shtëpi.
Për ata që kërkojnë një përvojë paksa më ndryshe, një milje poshtë rrugës kodrinore është qyteti i Dhërmiut. Në të ka shumë bare me muzikë të lartë. Jo më kot është i njohur nga shqiptarët si vendi ideal veror për festa, si dhe është bërë epiqendra për festivale të muzikës elektronike me pjesëmarrës nga e gjithë Evropa.
Gjipe
Një nga aspektet më të mira të plazheve shqiptare është se shumë prej tyre janë të arritshme vetëm me varkë. Plazhet më të egra gjenden mes qytetit të zhurmshëm të Dhërmisë dhe qytetit turistik të Himarës. Të dyja ofrojnë xhiro me varka, nëpërmjet të cilave jo pak herë do të ndaleni në plazhe pa emra zyrtarë, si Shpella e Zogut ose Akuariumi, dhe do të gjeni pak më shumë se një bar prej druri të ndërtuar në mënyrë të gabuar që shet birra dhe disa tavolina të vogla të vendosura pak larg bregut.
Ju nuk mund të humbisni plazhin Gjipe, të mbështetur nga një kanion masiv. Është xhevahiri i kurorës për adhuruesit e plazheve të egra. Nëse do të hynit në Gjipë me makinë e jo me anije, do të udhëtonit rreth 45 minuta në një rrugë të pjerrët dhe të vështirë. në Gjipe mund të vendosni çadrën e kampingut në kanion, ku flladi i kripur i detit përzihet me aromën e ftohtë të tokës me shkurre.
Himara
Në Himarë mund të realizohen pushime të mrekullueshme familjare, por edhe ”arratisje” romantike. Përgjatë shkëmbinjve bregdetarë, në veri të qytetit, do të gjeni plazhin Livadh. Në të deti shfaqet tre ngjyrësh dhe gurët janë të bardhë dhe të ndritshëm, ndërkohë që ullishtet shtrihen përtej. Duke e lënë Himarën dhe duke u drejtuar në jug, do të kaloni në plazhin më të gjatë të Shqipërisë, Borsh, i cili është plazhi i preferuar lokal. Në të gjithë këtë rajon,shëtitja është gjëja më e mrekullueshme.
Saranda
I vendosur afër kufirit grek, Saranda është kryeqyteti jozyrtar i rivierës shqiptare, një qytet vazhdimisht në zhvillim i mbushur me apartamente me pamje panoramike nga deti. Shëtitorja marramendëse është shtëpia e ngrënies së ushqimit të detit me kohën e lirë, e ndjekur nga shfaqjet e fishekzjarreve nga klubet e natës në ujërat pas errësirës.
Plazhi kryesor mund të jetë i rrethuar nga jeta e qytetit, por ujërat janë po aq të qartë dhe të kudondodhur blu sa kudo tjetër përgjatë bregdetit. Një marinë e vogël ulet në njërën anë të gjirit, ku anijet e vogla të trageteve tërhiqen nga Korfuzi, Greqi, 30 minuta në det të hapur. Ju keni shumë zgjedhje për plazhet e Sarandës. Restorantet dhe baret rendisin shumicën e tyre dhe sigurojnë me qira ombrellat, karriget ose shezlongët. Tridhjetë minuta në jug, ishujt e vegjël të Ksamilit dhe plazhet me rërë të bardhë janë lehtësisht afër rrënojave 2.500-vjeçare të UNESCO-s të qytetit antik të Butrintit.
Jeta lokale është mjaft aktive në Sarandë. Shqiptarët operojnë nga një kod kulturor dhe historik i trajtimit të miqve si të ishin pjesë e familjes. Dhe siç më kanë shpjeguar miqtë e mi shqiptarë, shumica e tyre i trajtojnë vizitorët në vend sikur po mirëpresin një të afërm të humbur për në shtëpinë e tyre. Keni nevojë për udhëzime? Ata do t’ju vijnë në ndihmë dhe me siguri do të ecin me ju në destinacionin tuaj përfundimtar.
