Presidenti francez Emmanuel Macron dhe kancelarja gjermane Angela Merkel do të paraqesin një plan të përbashkët për të nxitur rimëkëmbjen e BE-së nga kriza e koronavirusit.

Plani do të shtrohet pas disa javësh debat se si të mblidhen miliarda euro për të përfunduar shpejt një recesion të pritshëm dhe të dhimbshëm.

Macron dhe Merkel synojnë të përcaktojnë “një iniciativë franceze-gjermane për t’iu përgjigjur krizës Covid-19 në nivelin europian, në fushat e shëndetit, rimëkëmbjen ekonomike, tranzicionin mjedisor, dixhital dhe sovranitetin industrial”, tha presidenca franceze.

Blloku është zotuar të mbledhë 500 miliardë euro në fonde emergjente, dhe Komisioni Evropian shpreson të propozojë një buxhet që mund të përdoret për të nxitur stimulin me vlerë një trilion euro.

Por, megjithë njohjen e përhapur që vendet me goditje më të mëdha nuk do të jenë në gjendje të rregullojnë vetë dëmin ekonomik, ndarjet midis anëtarëve të BE-së se si të krijojnë një përgjigje të përgjithshme kanë penguar veprimin deri më tani./ Scan