Kompania e biznesmenit dhe filantropit shqiptar Lazim Destani, “Ecolog International”, do të merret me programin e testimit mbarëkombëtar të testimit Covid-19 në Luksemburg.
Ecolog do të bashkëpunojë me laboratorin “Reunis” për krijimin e 17 stacioneve testimi në të gjithë vendin, me një kapacitet deri në 20,000 teste në ditë për qytetarët, banorët dhe forcën punëtore ndërkufitare.
U ofrohet gjithashtu mundësi udhëtarëve ndërkufitarë për të kryer teste vullnetare diagnostikuese, për të ndihmuar vazhdimësinë ekonomike dhe për të thyer ciklin e infeksionit.
Strategjia e testimit në shkallë të gjerë për të siguruar të gjithë popullsinë e Luksemburgut, u hartua nga Ministria e Arsimit të Lartë e Kërkimit dhe Ministria e Shëndetësisë.
“Të vepruarit dhe mobilizimi i shpejtë i pasurive dhe teknologjisë sonë në kohë krize është pjesë e ADN-së së Ecolog. Ne jemi krenarë të kontribuojmë për sigurinë ndaj COVID-19 dhe në mirëqënien e shoqërisë në Luksemburg gjatë këtyre kohërave sfiduese. Ne besojmë se testimi në shkallë të gjerë është mënyra më efektive për të ndihmuar në rifillimin e jetës ekonomike dhe jetës sociale”, u shpreh Ali Vezvaei, Drejtori i Përgjithshëm i Grupit i Ecolog International.
“Është një kontribut i rëndësishëm për të na lejuar të jetojmë më lirshëm në javët dhe muajt në vijim”, tha profesori Ulf Nehrbas, CEO i Institutit të Shëndetit në Luksemburg.
Ecolog International është një ofrues global i shërbimeve të integruara, teknologjisë, zgjidhjeve mjedisore, logjistikës, inxhinierisë dhe konstruksionit. Kompania e anëtarit të Këshillit Kordinues të Diasporës ka realizuar mbi 1,100 projekte dhe tani është aktiv në më shumë se 36 vende, duke llogaritur në një grup të talentuar dhe të angazhuar prej 12,000 punëtorve në më shumë se 150 vende në mbarë botën.
Burimi origjinal, këtu:
