Në Tiranën e vitit 1940  projektet për zhvillimin e kryeqytetit ishin të mëdha. Tashmë me mbështetjen e FIAT ishe krijuar edhe një shoqëri transporti e cila quhej SATA (Shoqëria Shqiptare e Transportit Automobile) e cila me autobusët modernë atëkohë FIAT 626 / RN dhe 626 GNL siguronin lëvizjen e njerëzve në çdo qytet të madh e të vogël të Shqipërisë.

Në foto vihet re është ilustruar edhe itenerari që përshkonin këto linja autobusësh me simbolet përkatëse të çdo qyteti.

Në shtypin e epokës flitej për një projekt të madh të FIAT, i cili  planifikonte në një  të ardhme të afërt ndërtimin në qendër të Tiranës të një stacioni të madh nisjes dhe mbërritjes së autobusëve për linjat e ndryshme shqiptare. Ky ishte projekt vizionar, që fatkeqësisht nuk u realizua dot kurrë,  i cili që në të ardhmen do ti shërbente turizmit, pasi do të lidhte Tiranën me kryeqytetet e tjera të Ballkanit.

Në ndërtesën e stacionit ishte projektuar që të kishte dhoma me ekspozita makinash, zyra turistike dhe shërbime të dobishme për publikun.