Në Washington dhe New York disa pronarë biznesesh me origjinë shqiptare kanë treguar se si pandemia e koronavirusit ka ndikuar te ata. Disa shpresojnë të përfitojnë nga paketa e ndihmës financiare e administratës Trump për të vazhduar punën.
Xhensila Velencia pronarja e kompanisë “The Card Bureau” në një intervistë për VOA shprehet se kjo situatë e vështirë ndodhet edhe në kompaninë saj. Gjithashtu disa nga bizneset janë përshatur me këtë situatë duke shitur online dhe këtë ka bërë edhe Xhensila.
“Ne bëjmë paketime dhuratash dhe kartolina për disa dyqane të tjera në Amerikë. Në momentin që pandemia e COVID-19 erdhi edhe këtu, të gjitha dyqanet u mbyllën dhe bashkë me to edhe mënyra se si ne shisnim mallin. Shitjet online që ne po aplikojmë tani kërkojnë më shumë punë dhe merr më pak lekë. Por të paktëm po fitojmë diçka.”, shprehet Xhensila.
Ndërkohë, edhe dyqani “Café Chocolat” në Washington ka më shumë se 1 muaj që ka mbyllur dyert dhe pronari i tij pret ndihmën nga qeveria. Gjergj Dollani shprehet se deri tani nuk ka marrë asnjë lloj ndihme edhe pse ka aplikuar.
Genc Rahmani bashkë me vëllain e tij para pak kohësh hapën kafenenë ” G’s Cafe” në Manhattan. Ata nuk përfshihen te paketa financiare e parashikuar nga qeveria dhe shprehen se po mbijetojnë me kursimet e tyre.
“Me kursimet që kam do ia dal sa të mundem. Shpresoj që kjo situatë të mbarojë shpejt për mua dhe për këdo”, shprehet Genci.
Genci beson te klientela e tij besnike që ka krijuar gjatë punës por mendon se me rregullat e reja të distancimit dyqani i tij që ka kapacitet për 40 persona me rregullat e reja nuk mund të mbajë më shumë se 8 ose 9.
Burimi origjinal, këtu:
