Në Britaninë e Madhe ka filluar testimi tek njerëzit i një vaksine të mundshme kundra korona virus-it.
Kjo është e para provë në Europë, dhe është kryer në një laborator në Oxford.
Fillimisht janë injektuar vetëm dy persona, ndërkohë që janë përzgjedhur më shumë se 800 njerëz, për të qenë pjesë e këtij studimi.
Sarah Gilbert, profesore e vaksinologjisë në Insitutin Jenner dhe ekipi i saj, janë ata që kanë bërë të mundur gjetjen e kësaj vaksine. Ata e kanë arritur këtë në një kohë rekord, brenda tre muajsh pune intensive.
Sigurisht që kjo është ende në fazën e provës, dhe tashmë ka filluar testimi tek njerezit. Profesoresh Gilbert u shpreh se “Personalisht kam shumë besim tek suksesi i vaksinës.
Tani duhet të shohim se a funksionon tek njerëzit për të ndaluar infektimin e tyre me COVID-19, dhe pastaj t’a përdorim në mase”. Fillimisht Gilbert u shpreh se ishte 80% e sigurt për suksesin e vaksinës, por tani preferon të mos japë shifra. Ajo thotë se është “shumë optimiste” për këtë vaksinë.
Testimi i vaksinës do të bëhet tek gjysma e personave të përzgjedhur, gjysmës tjetër do t’i bëhet vaksinë milingjiti. Ata nuk e dinë se çfarë vaksine u është bërë, dhe pas ekspozimit të të gjithë këtyre personave, shkencëtarët do të shohin nëse vaksina funksionon apo jo.
Nëse numri i të infektuarve në Britani bie me shpejtësi, që është në fakt ajo që deshirojne të gjithë, kjo nuk i ndihmon shkencëtarët që po provojne vaksinën, se mund të mos kene të dhëna sa duhet. Në këtë provë janë përfshirë kryesisht punonjës të shërbimit shëndetësor, duke qenë se ata janë më të ekspozuar ndaj virusit.
Po sa e sigurt është kjo vaksine? Të vaksinuarit do të mbahen nën vezhgim në muajt e ardhshem dhe u është thënë se mund të kenë shenja të tilla, si krahun e mpirë apo dhimbje koke e temperaturë në ditët e para pas vaksinimit.
Shkencëtarët në Oksford shpresojnë të kene rreth një milion doza vaksine gati deri në shtator dhe nëse vaksina është e sukseshme, të shtojnë prodhimin e saj me shifra shumë të larta.
Në të njëjtën kohë është një tjetër ekip studimi në Kolegjin Mbretorer të Londrës që shpreson të filloje testimin e një vaksine tek njerezit në muajin qershor.
Ministri i shendetësisë Matt Hancock, i ka vlerësuar përpjekjet e dy ekipeve dhe ka thënë se Britania e Madhe do investojë sa të mundë në zbulimin e një vaksine.
Ndërkohë në Britani vazhdon gjendja e izolimit, për të paktën edhe tre javë duke filluar nga java që shkoi.
Në bazë të masave të marrave, njerëzve u lejohet të dalin nga shtëpia vetem për të blerë ushqime apo për të bërë ushtrime fizike, për ndonjë nevojë mjeksore ose për ata që nuk mund të punojnë nga shtëpia.
Shkollat janë të mbyllura dhe nxënësit punojnë nga shtëpia.
Përsa i përket komunitetit shqiptar, edhe ata e kanë pezulluar aktivitetin mësimdhënës. Shoqatan ‘’Mother Teresa Albanian Union” konfirmon se për momentin është ndërprerë mësimi në gjuhën shqipe. Edhe përpjekjet që bënë për të përdorur “Zoom” ishin të pasukseshme për shkak të pasigurisë në këtë rrjet.
