Konsullata e Përgjithshme e Shqipërisë në Selanik ka njoftuar ditën e sotme se do të shtyjë nisjen e shërbimeve për Pasaporta dhe Karta ID në një datë të papërcaktuar.

Sipas një njoftimi të mëparshëm konsullata kishte njoftuar qytetarët se do të niste shërbimin e aplikimeve ditën e sotme, por duke vlerësuar se situata e COVID-19, masat dhe kufizimet e ndërmarra nga autoritetet qendrore dhe vendore greke janë ende në fuqi, konsullata ka lajmëruar se do të shtyjë të gjitha takimet e mbyllura në respekt dhe zbatim të kësaj situate.

Në varësi të ecurisë së pandemisë së COVID-19, masave dhe kufizimeve të marra nga autoritetet qendrore dhe vendore greke qytetarët do të njoftohen në rrjetet sociale të konsullatës për fillimin normal të punës dhe shërbimeve.