Fondi Monetar Ndërkombëtar dhe Banka Botërore, kanë marrë përgjegjësinë për të rritur përpjekjet në mënyrë që të zbusin efektet negative të pandemisë COVID-19 në ekonomi.
Drejtoresha e FMN-së, Kristalina Georgieva dhe presidenti i Bankës Botërore David Malpass, theksuan se të gjithë janë të vetëdijshëm për kërcënimin që i kanoset sistemit shëndetësor dhe ekonomik.
“Një tkurrje e madhe e ekonomisë globale në gjysmën e parë të vitit 2020 është e pashmangshme. Pasiguria rreth ashpërsisë dhe kohëzgjatjes së krizës është jashtëzakonisht e lartë”, tha Georgieva.
FMN parashikon që ekonomia globale të tkurret me 3% këtë vit, rënia më e keqe që nga Depresioni i Madh në vitet ’30 dhe më e rëndë se kriza financiare në vitin 2008.
Të dy institucionet kanë paraqitur programe mbështetëse, pasi është shqyrtuar kërkesa për kredi urgjente nga pothuajse gjysma e 189 vendeve të saj anëtare. FMN dhe Banka Botërore morën mbështetje këtë javë nga G20-ta, për një moratorium për shlyerjen e borxheve për vendet më të varfra në botë.
Burimi origjinal, këtu :
