Edhe kjo kohë pandemike, e fatkeqësisë natyrore “Covid-19”, ka dëshmuar edhe një herë tjetër atdhetarët e humanistët e vërtetë, si shqiptaro-amerikani i njohur Sabit Bytyçi në Nju Jersey – kryetari i Këshillit të Federatës Shqiptare “Vatra” në Amerikë, donatori i sotëm me 3 mijë litra vaj për rreth 1 mijë familje në nevojë në Tropojë, në vendlindjen e tij.
Kjo është e dyta dërgesë humanitare e Shqiptarëve të Amerikës për Tropojën e tyre, pas asaj të biznesmenit Harry Bajraktari, personalitet i shquar shqiptaro-amerikan (me origjinë të hershme tropojane, nga Geghyseni- “Nderi i Kombit”) me 25 tonë miell për 1 mijë familje.
Këto ndihma më shumë se vlerën e tyre monetare e gjendjen përkrah në këtë fatkeqësi natyrore globale, përcjellin dhe një mesazh të madh që vjen nga Amerika- mike e aleate e madhe e shqiptarëve, që bijtë e saj të larguar me dekada e shekuj, në mbi 7 mijë kilometër largësi tokësore e oqeanike, në kontinent tjetër, mendojnë e ndihmojnë në kohë e raste të ndryshme vendlindjen e tyre e të të parëve të tyre.
Burimi origjinal, këtu:
