Pas tre tremujorëve në rritje, tregu botëror i kompjuterëve e mbylli tremujorin e parë 2020, me dërgesa në rënie me 12,3%, në kuotën 51,6 milionë njësi.
Kjo është rënia më e madhe e shënuar që prej vitit 2013, sipas analistëve të Gartner, të cilët theksojnë ndikimin e koronavirusit, si në prodhim, edhe te kërkesa. Edhe për analistët e Canalys dhe IDC, shifrat janë negative, me rënien që varion midis -8% dhe -9,8%, me volume shitjesh 53,2 dhe 53,7 milionë njësi.
Të gjithë ekspertët janë të një mendimi me kompanitë prodhuese që qëndrojnë në podium. Në vend të parë, kompania kineze Lenovo, që ka hedhur në treg mes 12,6 e 12,8 milionë njësi, me një rënie rreth 3-4% me bazë vjetore. E dyta, HP, me 11,1 – 11,7 milionë PC të dërguar dhe një rënie 12-13%. Dell, në vend të tretë, është e vetmja kompani që ka regjistruar rritje, 1-2%, volume i shitjeve të së cilës është 10 milionë njësi.
Jashtë “top 3”, të dhënat e analistëve janë të ndryshme. Sipas ekspertëve të Gartner, Apple renditet e 4-ta, me 3,5 milionë Mac të dërguar dhe një rënie 6,2%, ndjekur nga Acer 2,9 milionë njësi (-12,7%). Për ekspertët e Canalys, Apple ndalet në 3,2 milionë njësi dhe tkurrja, në krahasim me tremujorin e parë 2019 është 21%; Acer është pranë me 3,1 milionë (-12,6%). Në fund, sipas IDC, Acer me 3,3 milionë (-9,9%) lë pas Apple me 3,1 milionë njësi (-20,7%).
Burimi origjinal, këtu:
