Komuniteti Shqiptar në Selanik ka dhuruar vullnetarisht gjak pranë Bankës së Gjakut në spitalin “Ahepa” në Greqi. Nëpërmjet një postimi një rrjetin social “Facebook” është bërë e ditur se anëtarët e komunitetit shqiptar janë përfshirë në një akt humanitar për dhurimin e gjakut pavarësisht masave të marra për kufizimin e lëvizjes.
Luan Zyka pjesë e kësaj nisme të komunitetit shqiptar tregon se për shkak të pandemisë globale testimet e dhuruesve kësaj here ishin të shumta, përfshirë testime paraprake për hematokritin dhe temperaturën, të shoqëruar me një pyetësor të detajuar.
Me këtë gjest human anëtaret e komunitetit shqiptar në Selanik u kanë bërë thirrje përfaqësuesve të komuniteteve shqiptare kudo në botë të dhurojnë gjak për të shpëtuar jetën e njerëzve në nevojë.