Visar Tasimi, anëtar i Këshillit Koordinues të Diasporës që jeton në Connecticut, ka folur për situatën e COVID-19 në SHBA. Sipas informacioneve zyrtare që ai ka në zonën e Connecticut janë rreth 11,510 të infektuar, 494 viktima dhe të shtruar në spital janë 1,593 persona.
Nga komuniteti shqiptar atje raportohet që ka të prekur por jo viktima.
Ndërkohë sipas tij në qytetin e New York raportohet të ketë viktima nga komuniteti shqiptar, ndërsa ky qytet është një nga më të goditurit nga koronavirusi.
Visar Tasimi gjithashtu u ndal te ndihma që Këshilli i Kombëtar i Diasporës dha për shqipëtarët e bllokuar në Kapshticë.
“Këshilli i Diasporës është shumë i ndjeshëm ndaj situatave të tilla. Ne ishim në komunikim të vazhdueshëm me njeri-tjetrin dhe menduam se duhet ta benim këtë gjë”, u shpreh ai.
Kujtojmë se Këshilli i Diasporës përveç kësaj u ka mundësuar atyre edhe shpenzimet e 14 ditëve të karantinës, në një hotel të Korçës.
Burimi origjinal, këtu:
