Syzana Gjokaj me origjinë nga Kosova, manaxhere klinike në repartin e urgjencës në Spitalin Presbiterian të Nju Jorkut, është diagnostikuar me COVID-19.
Prej disa ditësh ajo është në karantinë dhe shprehet se tashmë shumicat e simptomave i janë larguar por akoma nuk mund të kthehet në punë dhe ndihet keq që nuk mund të japë kontributin e saj për të prekurit me COVID-19 në spitalin ku ajo punon.
“Situata që kam parë në urgjencën e spitalit më kujton luftën e Kosovës. Virusi është shumë i paparashikueshëm. Edhe pse në spital janë shtuar masat mbrojtëse dhe janë zgjeruar kapacitetet prapë në emergjencë është fluks mes të infekturve me COVID-19 dhe personave të tjerë që janë në panik sepse mendojnë se janë të infektuar. Infiermierët janë shumë të prekur emocionalisht nga kjo gjëndje, ata punojnë me orare të zgjatura pa pushim dreke dhe pa pirë ujë. Kjo situatë po vë në rrezik personelin mjekësor”, thekson Syzana.
Edhe pakujdesia më e vogël mund të shkaktojë infektimin me COVID-19. Probleme po hasim edhe me probleme me maskat, nuk ka furnizime të mjaftueshme pasi sugjerohen të përdoren vetëm një herë.
Sarah, vajza 10-vjeçare e Syzanës ka filluar një fushatë për mbledhjen e sa më shumë maskave. Ajo kishte dëgjuar mamanë se mjekët nuk kishin maska mjaftueshëm maska dhe ka hapur një llogari gofundme për të ndihmuar sado pak.
Burimi origjinal, këtu:
