Pas deklaratës së Këshillit Koordinues të Diasporës, se do të mbështeste financiarisht periudhën e karantinës për 27 emigrantët e shqiptarë të bllokuar prej katër ditësh në pikën kufitare me Greqinë, pasditen e sotme ata kanë mbërritur në Korçë.
Evakuimi u bë pas plotësimit të procedurave dhe kontrollit mjekësor, ndërsa shqiptarët u dërguan me automjetet e autoriteteve në një nga hotelet në qytetin e Korçës, ku do të qëndrojnë për 14 ditë në karantinë.
Prej disa ditësh 27 emigrantë në Kapshticë mbetën të bllokuar për shkak se pala shqiptare nuk i lejonte të kalonin në kufij në kuadër të masave kundër përhapjes së Covid-19.
Tashmë ata janë transferuar për të qëndruar në karantinë në një hotel në Korçë. Kjo pas negociatave dhe marrjes përsipër të kostos, 14 ditë në hotel dhe ushqim 3 vaktet nga Këshilli Koordinues i Diasporës Shqiptare.
KKD e mori këtë vendim pasi Rama deklaroi se ata do futen në territorin tonë, vetëm nëse karantinohen 2 javë në struktura hoteliere me kostot e veta.
Ndërkohë kufinjtë do të vijojnë të mbeten të mbyllur dhe personat e tjerë nuk do të lejohen të hyjnë në Shqipëri.
Burimi origjinal ketu:
