Dy motrat shkencëtare, Argita dhe Detina Zalli të cilët gjatë këtyre ditëve të pandemisë kanë qenë prezente në media dhe rrjete sociale me këshilla dhe informacione të detajuara për virusin COVID-19, botojnë për herë të parë një libër me këshilla për sëmundjet tumoriale.
Mungesa e informacioneve lidhur me këto sëmundje në Shqipëri, Kosovë, Maqedoninë e Veriut dhe sfidat e luftimi të sëmundjeve tumorale i ka nxitur dy shkencëtaret Zalli të botojnë librin “Afërdita ime”, i cili do t’i vijë në ndihmë të gjithë bashëkombësve të tyre.
Lajmin e ka bërë të ditur publikimi në rrjetin social “Facebook”, Argita Zalli e cila shkruan se ky libër do tu mundësojë njerëzve që të besojnë më shumë në vete, të përmirësojnë stilin e jetës si dhe të rrisin sistemin e imunitet në përballjen me këtë sëmundje.
Libri do të publikohet nesër dhe do të jetë falas për të gjithë ata të cilët kanë nevojë.
Motrat nga Patosi janë sot emër i rëndësishëm i shkencës botërore, ato janë të angazhuara edhe në kryerjen e studimeve për gjetjen e një ilaçi kundër kancerit. Argita është eksperte në fushën e Imunologjisë ndërsa Detina në fushën e Biologjisë Molekulare.