Shqiptarët gjithmonë kanë ditur të “habisin” botën falë zgjuarsisë dhe shkathtësisë së tyre.
Shqiptari Dardan Isufi, 30 vjeç, është një prej sipërmarrësve të suksesshëm në fushën e teknologjisë së informacionit në Kanada. Para kohë më parë qeveria provinciale e Kebekut, në Kanada, ka miratuar aplikacionin e tij “Eva” si një nga shërbimet publike të qytetit.“Eva’, një kooperativë me bazë në Montreal, e cila filloi zyrtarisht të transportojë banorët lokalë të hënën pas një periudhe prove tre javore. “Eva” është ideja e dy të sapodiplomuarëve, Gaudreault, njëri inxhinier softuerik 23-vjeçar me diplomë nga Laval University dhe Dardan Isufi, 22-vjeçar, me diplomë nga McGill. Deri më tani më shumë se 6,000 njerëz kanë shkarkuar aplikacionin Eva.
Dardani 20 vjet më parë shkoi si refugjat në Montreal të Kanadasë, atëherë kur lufta ishte në kulmin e saj.
Por sot, në kohën e epokës së teknologjisë së informacionit dhe aplikacioneve, listës së sipërmarrësve të rinj inovativ në mbarë botën i është shtuar edhe emri i tij. Projekti “Eva”, tashmë ka marrë dritën jeshile nga qeveria provinciale e Kebekut për të operuar ligjërisht si shërbim taksie.
Aplikacioni më i ri “Eva” është një projekt i bazuar mbi ‘blockchain’ dhe është konkurruese e UBER. Vetëm për një muaj të operimit ky projekt ka regjistruar mbi 12 mijë përdorues dhe janë regjistruar mbi 500 shoferë.
Ëndrra e kosovarit është që projekti i tij të shtrijë operimin edhe në Prishtinë.
