Stilistja shqiptare Ariana Ademaj, në ShBA, në këtë situatë të pandemisë, është angazhuar për të qepur maska falas për mjekët e spitaleve në Detroit. Këtë nismë ajo po e zhvillon edhe në vendin e origjinës, për t’u ardhur në ndihmë mjekëve në Kosovë.
Ariana e ka filluar punën e saj si stiliste në Detroit të SHBA duke qepur fustane por e ka ndryshuar veprimtarinë e saj duke qepur maska për mjekët në vijën e parë kundër COVID-19. Me ndryshimin e rrjedhës së ngjarjeve dhe përhapjen e shpejtë të kotonavirusit ajo mendoi të bënte këto maska duke ia dhënë si dhuratë spitaleve të zonës ku ajo ndodhet. Qepjen e maskave siç u shpreh Ariana ka nisur me mjetet e saj personale por tani edhe shoqata të tjera biznesi janë ofruar ta ndihmojnë me materialet që i duhen.
“Për një maskë vetëm kosto e materialit është 75 cent pa llogaritur kohen që i duhet një personi për ta bërë atë dhe nga kjo u inspirova për të bërë këtë donacion”, u shpreh ajo.
Së fundmi bashkë me një rrobaqepëse tjetër nga Prishtina ajo po përgatit rreth 400 maska për t’ia dhuruar Spitalit Infektiv në Kosovë ditën e hënë. Gjithsej ajo ka përgatitur 3000 maska që i ka shpërndarë në spitale të ndryshme por nëse kërkesat për to rriten ajo thotë se do të bëjë më shumë.
Burimi origjinal, këtu: