Shumë shoqata të shqiptarëve në Diasporë janë angazhuar në ndihmë të komuniteteve, në këtë kohë ku e gjithë bota po kalon me koronavirusin. Një ndër to është “Shpresa Programme” e cila promovon itegrimin dhe kontributin e komunitetit shqiptar në Mbretërinë e Bashkuar.
.
Znj. Nuzi cfarë po bëni konkretisht për të ndihmuar komuntitetin shqiptar në këtë periudhë ?
Menjëherë sa u përballëm me COVID-in dhe situatën që ajo solli, ne ngritëm një skuadër e cila është kryesisht e përbërë nga vullnetarë britanik të cilët kanë si synim të shpërndajnë ndihma te të gjithë familjarët që janë të mbyllur. Këto familjarë janë ato që janë të moshuar dhe nuk kanë mundësi të dalin për të bërë pazarin,janë gra të martuara që kanë fëmijë të sëmurë ose gra të vetmuara.
Gjithashtu kemi një numër të madh të njerëzve të cilët kanë ndihma shumë të pakëta sociale që nuk janë të mjaftueshme për të blerë ushqimet e duhura për të pasur rezerva. Të gjithë këta vullnetarë bëjnë shpërndarje çdo ditë. Kemi një numër të madh të fëmijëve të pashoqëruar për të cilët kemi mundësuar dikë me të cilët mund të flasin çdo ditë dhe të inkurajohen që të qëndrojnë në shtëpi, që të kenë një shëndet mendor sa më të mirë.
Cilat mendoni ju se janë problemet dhe sfidat që përballet komuniteti shqiptar në Britani, ata me dokumenta të rregullta dhe ata që janë ilegalisht aty?
Problematikat janë të mëdha për ata që janë ilegalisht, kanë humbur punën, shpesh ata nuk kanë mundësi të paguajnë qeranë. Nuk ka asnjë ligj mbrojtës. Ata do të varen nga të afërmit, njerëzit, miqtë dhe shokët e tyre. Jemi munduar që zërin e tyre ta ngremë në nivele më të larta në organizata të ndryshme që mbrojnë të drejtat e gjithsecilit. Qeveria Britanike ka mundësuar që secili të ketë mundësi të kërkojë ndihmë shëndetësore, të kërkojë ndihmë nëqoftë se është i pastrehë. Grupi tjetër shoqëror janë grupet e emigrantëve që kanë ardhur nga vendet evropiane si Greqia, Italia apo Bullgaria, të cilët kanë ardhur në 6 muajt e fundit dhe nuk janë stabilizuar me kontrata pune apo me letra të vetëpunësimit dhe procedura për të marrë këto ndihma është pak e ndryshme dhe për momentin janë gjetur në vështirësi financiare. Një grup tjetër është për ata që janë në qendra hostel që kanë kërkuar azil, ku pastërtia, rregullat nuk janë të mjaftueshme për të përballuar një epidemi të COVID-it në ambientet e tyre.
Burimi origjinal, këtu :
