Në Shqipëri, Kosovë dhe trevat shqipfolëse aplikacionet dhe shërbimet e Microsoft kanë popullaritet të lartë e disa prej tyre ofrohen në shqip por pjesa më e madhe jo.

Në vitet e fundit, nga rrjetet sociale tek mjetet e punës janë shtuar aplikacione e shërbime të ndryshme të përkthyera edhe në gjuhën Shqipe, por shumë prej tyre ende jo.

Zyrtari i Ministrisë së Edukimit, Shkencës, Teknologjisë dhe Inovacionit në Republikën e Kosovës, Veton Alihajdari, në emër të institucionit pjesë e të cilës është ka ngritur zërin e tij në Forumet e Zërit të Përdoruesve të Microsoft Teams dhe Office 365.

Ai bën thirrje për përkthimin e aplikacioneve të Office 365 dhe Microsoft Team në gjuhën shqipe. Ai vë theksin se disa nga aplikacionet e Office 365 siç është Outlook, ofrohen në gjuhën shqipe.

Alihajdari kërkon nga Microsoft që të përkthejë në gjuhën shqipe veçanërisht aplikacionin Teams. Ky aplikacion përdoret masivisht nga kompani, biznese, institucione shtetërore, shkolla e universitete në këto momente izolimi nga COVID-19.

Në komentin e tij ai thotë se përballë izolimit të koronavirusit, jemi duke hasur vështirësi me gjuhët nga mësuesit tek nxënësit, studentët dhe prindërit.

“Evropa Juglindore ku përfshihen vendet: Shqipëri, Kosovë, Maqedoni e Veriut, Mali i Zi dhe Serbi numëron afersisht 7 milionë banorë të cilët gjuhë amtare kanë gjuhën shqipe.”tha Veton Alihajdari.

Microsoft e përshkruan Forumin e Zërit të Përdoruesve si një komunitet i cili e ndihmon të përmirësohet Office 365 dhe ku përdoruesit mund të adresojnë sugjerimet për të adresuar shqetësimet e tyre në lidhje me ekperiencën e përdorimit të aplikacioneve të Microsoft.

Peticioni në Office 365: https://office365.uservoice.com/forums/264636-general/suggestions/40011448-localization-of-office-365-in-albanian-language

Peticioni në Microsoft Teams : https://microsoftteams.uservoice.com/forums/599053-schools-and-universities/suggestions/40011487-localization-of-microsoft-teams-in-albanian-language

Burimi origjinal, këtu :