Quhet Elda Maliqi dhe është vetëm 17 vjeç, por emri i saj tashmë është i njohur në gjithë Skandinavinë.
Gjimnastja Maliqi e cila vjen nga qyteti i Gjilanit është anëtare e klubit të Gjimnastikës ritmike Borge Turnforening në Norvegji.
Së fundmi ajo u përzgjodh në mesin e dhjetë gjimnasteve më të mira, teksa në një rrëfim për Gazetën SHESHI ajo shpjegon se si nisi hapat e parë e deri te suksesi i arritur.
“Me gjimnastikë kam filuar të merrem nga mosha 6 vjeçare dhe kjo falë meritës së prindërve dhe instruktores time italiane Elisa. Gjimnastika ritmike është një sport tashmë jo pak i njohur dhe me shumë të ardhme. Tashmë më është bërë si një shtëpi e dytë, teksa instruktoret dhe tashmë nxënëset e mija janë si familje e dytë për mua”, deklaroi Maliqi.
Në garat nacionale të mbajtura tashmë së fundmi në muajin Qershor, Elda u përzgjodh në mesin e dhjetë më të mirave të vendit, një sukses i jashtëzakonshëm nga gjimnastja gjilanase.
“Jam në mesin e dhjetë gjimnasteve më të mira në garat nacionale të mbajtura së fundmi në muajin Qershor. Për këtë kam punuar mjaft shumë, madje deri në katër orë në ditë. Është një sukses që më gëzon jo pak mua dhe njëkohësisht një motivim i madh që të vazhdoj edhe më fuqishëm në të ardhmen”, potencoi Maliqi.
17 vjeçarja Maliqi tashmë është edhe instrukturore e cila mëson gjimanstet e reja, teksa ka një mesazh edhe për të gjithë të rinjtë.
“Është një nder dhe privilegj që të jem instruktore e nxënëseve të reja. Është një sport shumë i shëndetshëm dhe atraktiv. Ju sygjeroj të gjithë të rinjëve që të merren me këtë sport sepse është shumë i dobishëm në rend të parë për shëndetin dhe më pas fitimin e kulturës, edukatës sportive dhe elementeve të tjera biopsikosociale”, potencoi Maliqi.
Ditë më parë gjimnastja e talentuar u prit edhe nga Kryetari i Komunës së Gjilanit, Lutfi Haziri në kuadër të Ditëve të Mërgatës duke marrë shembullin e Eldës si një model për të rinjë në diasporë.
Ajo gjithashtu planifikon që në një të ardhme të afërt të vij në Kosovë dhe të mbaje instruksione për gjeneratat e reja që ta njohin më mirë këtë sport.
Elda Maliqi, është në mesin e 10-të atleteve më të mira në Norvegji.
Ajo ka arritur të rrëmbëje disa herë medaljen e artë, të argjendtë dhe të bronztë, në garat nacionale atje.
Elda është e profilizuar në në fushën e gjimnastikës ritmike në Norvegji.
Sportistja Elda Maliqi dhe babai i saj, Arsimi, e kanë falënderuar kryetarin Haziri për mikpritjen, mbështetjen dhe organizimet e shumta për respekt ndaj bashkatdhetarëve.
Burimi origjinal këtu:
