Britani e Madhe – Mirela Shtembari
Mes shqetësimit global për Koronavirusin, Londra në fillim të jepte pershtypjen e një eksperimenti në një laborator gjigant.
Ndërsa Europa kishte filluar karantinën, londinezet vazhdonin te shkonin në pune, e baret e restorantet ishin ende hapur.
Por shumë shpejt, edhe Londra ndoqi shembullin e Europës.
Më 23 mars kryeministri britanik Boris Johnson, njoftoi marrjen e masave të rrepta. U mbyllen të gjitha mjediset publike, kafenetë, pabet dhe restorantet, teatrot, kinematë dhe palestrat, në përpjekje për të luftuar virusin Corona.
Kryeministri Johnson theksoi se këto masa do të zbatohen me rreptësi. Duke u shprehur se “Për momentin, na duhet që njerëzit të jenë të distancuar fizikisht nga njeri tjetri”
Kryeministri Johnson theksoi se këto masa do të zbatohen me rreptësi. Duke u shprehur se “Për momentin, na duhet që njerëzit të jenë të distancuar fizikisht nga njeri tjetri”
Ministri i financave, Rishi Sunak, tha se qeveria do t’i paguaje 80% të pagës cdo punonjësi gjatë periudhës që njerëzve u duhet të rrinë në shtëpi. Udhëzim ky që do të aplikohet dhe për qindra shqiptarë që jetojnë në Britani, e janë të pajisur me dokumentacionin e duhur.
Zoti Johnson tha se situata do të rivlerësohet çdo muaj.
Por ekspertët e shëndetësisë kanë shprehur shqetësim përsa i përket numrit të vogël të testimit të njerëzve që mendohet se mund të jenë prekur nga ky virus.
Ministri britanik i shëndetësise Matt Hancock ka premtuar se në fund të muajit do të bëhen 100 mijë teste në ditë.
Në këtë beteje me Coronavirusin, janë bluzat e bardha ato që janë në frontin kryesor të luftës. Tashme këtu në Britani ka filluar një traditë shume e bukur ku çdo të enjte në orën 20:00, të gjithë banorët dalin në dritare ose në dyert e shtëpive dhe duartrokasin, në shenjë respekti dhe nderimi për bluzat e bardha.
Kombi nderon me duartrokitje edhe gjithë ata punonjës të fronteve të tjera, kaq të domosdoshme këto dite, si shoferet e kamionëve që shpërndajnë ushqim, punonjësit e supermarketeve ushqimore, punonjësit kujdestare për të moshuarit, shoferat e makinave qe mbledhin plehrat.
Banoret dolën në ballkone, dyer, dhe oborre, për të nderuar punonjësit që mbajnë barrën kryesore në këtë krizë.
Duartrokitjeve iu bashkua edhe Kryeministri britanik Boris Johnson nga 11 Doëning Street – që është në vetëizolim pasi është prekur nga virusi COVID-19.
Kriza i ka bere Londinezet të blejnë ushqime me shumicë për të krijuar rezerva. Edhe pse qeveria është munduar të bind publikun se nuk ka vend për panik, raftet e supermarketeve jane të boshatisura.
Pas një mesazhi emocionues të një infermiereje nga supermarketi bosh, ku me lot në sy ajo i kërkonte publikut të ndërgjegjësohej e të mendonte për ata që janë në krye të kësaj beteje, stafin mjekësor, supermarketet kane një ore të posacme vetëm për punonjësit e shërbimit mjekësor kombëtar, NHS.
Shkollat tashme janë mbyllur pa afat kohor, por do të mbeten të hapura për fëmijët me probleme dhe ata fëmijë, prindërit e të cilëve konsiderohen si punonjës të sektorit kyç të shoqërisë.
Janë anuluar të gjitha provimet e fundvitit
U është bërë thirrje të gjithë mjekeve dhe infermiereve të dalë në pension, rreth 65 mije vetë, që të kthehen në punë për të luftuar këtë pandemi.
Numri i rasteve te konfirmuara me korona virus ne Britani është 33,718. Numri I vdekjeve 2,921.
Kjo situatë e vështirë ka prekur edhe komunitetin shqiptar në Britani, masat e marra nga qeveria, sigurisht qe prekin dhe ndikojnë në jetën e çdo shqiptari këtu. Sipas udhëzimeve të Kryeministrit çdo banor duhet të respektoje masat e mara, për parandalimin e shpërhapjes.
